જીવવાના આ બધા કિસ્સા અને એવું બધું

જીવવાના આ બધા કિસ્સા અને એવું બધું

હાથ પથ્થર ટાંકણુ ઘટના અને એવું બધું

એક તારાથી સબંધિત યાદ છે સૂરખાબની

પીંછ પંખી આભ ને ટહુકા અને એવું બધું

આરસી પરથી પરાવર્તિત થવું અર્થાત્ કે

બૂમ ને પર્વત અને પડઘા અને એવું બધું

હું નગરના રક્તમાં પ્રસરી ગયેલી બીક છું

એટલે દહેશત અને અફવા અને એવું બધું

માર્ગમાં ભટકી ગયો પર્યાય મારા નામનો

હું હવે ચરણો અને પગલાં અને એવું બધું

jiwwana aa badha kissa ane ewun badhun