રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પાપનાં ને પુણ્યનાં શું કામ આ કલ્પાંત છે?
સ્વર્ગની ને નર્કની સરખી સજા-દેહાંત છે.
પર્ણને પિંજર ગણી ઊડી જનારી સારિકા
કેમ નક્કી થાય કે એ ભ્રાંત છે, નિભ્રાંત છે?
કાચના ઘરમાં ઉઘાડેછોગ રહેવાથી મને
વેદના એવી મળી કે વાણી આમરણાંત છે.
મૂઢ છું કે સ્વસ્થ છું; પણ, છે હકીકત સો ટકા
પથ્થરો પડવા છતાં પાણી બરાબર શાંત છે.
લાખ જણ લખતા, જીવીને કેટલા લખતા ગઝલ?
આપણી પાસે ફક્ત ઇર્શાદનું દૃષ્ટાંત છે.
(નવે.’૭૮, મે’ ૧૧)
સ્રોત
- પુસ્તક : ઇર્શાદ (પૃષ્ઠ ક્રમાંક 41)
- સર્જક : ચિનુ મોદી
- પ્રકાશક : રન્નાદે પ્રકાશન
- વર્ષ : 2012