રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પાણી વચ્ચે નાનું અમથું રણ હશે
આંસુનું આ કેવું બંધારણ હશે?
ખેસવી લીધા બધા આધારને
શ્વાસને ટકવાનું કૈં કારણ હશે.
બંધ દરવાજા ઉઘાડો તો ખરા
ભીંત છે તો ભીંતનાં મારણ હશે
આવી આવીને બધાં દર્પણ થયાં
કેટલામું મારું આ પ્રકરણ હશે?
શોધી શકશો ઘર તમે મારું તરત
સાત સપનાનું સૂકું, તોરણ હશે
સ્રોત
- પુસ્તક : ઇર્શાદ (પૃષ્ઠ ક્રમાંક 21)
- સર્જક : ચિનુ મોદી
- પ્રકાશક : રન્નાદે પ્રકાશન
- વર્ષ : 2012