રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ઝેર જાણી ચાખી જોવું જોઈએ
શ્વાસ છોડી ચાલી જોવું જોઈએ
હું નથી એવા સમયના સ્થળ વિશે
કલ્પી લેવું, ધારી જોવું જોઈએ.
પારકા બે હાથના સંબંધમાં
લોહી જેવું લાવી જોવું જોઈએ.
તું નગદ લેખીને સંઘરતો નહીં
છે સ્મરણ? તો નાણી જોવું જોઈએ.
ઠાઠ ભપકા એ જ છે ‘ઇર્શાદ’ના
ઘર બળે તો તાપી જોવું જોઈએ.
સ્રોત
- પુસ્તક : ઇર્શાદ (પૃષ્ઠ ક્રમાંક 35)
- સર્જક : ચિનુ મોદી
- પ્રકાશક : રન્નાદે પ્રકાશન
- વર્ષ : 2012