રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
એમ નહિ કે નામ નભમાં ગાજતું કરવું હતું
em nahi ke nam nabhman gajatun karawun hatun
નીરજ મહેતા
નીરજ મહેતા
એમ નહિ કે નામ નભમાં ગાજતું કરવું હતું
આપણે તો આ નગરને વાંચતું કરવું હતું
એટલે તો ગટગટાવ્યું મોકલ્યું જે એમણે
સોમ કે સોમલ બધુંયે ભાવતું કરવું હતું
હોઠ છો કૈં ના કહે પણ આંખ સમજે એટલું –
ગુપ્ત રાખી શું કરું જેને છતું કરવું હતું
બંદગી, પૂજા, નમાજો, મંત્રજપ, જાત્રા કે હજ
કોઈ પણ રીતે ગગનમા પહોંચતું કરવું હતું
આવશે વાંછટ છતાંયે બારણાં-બારી ખૂલ્યાં
આંધળા ઘરને ફરીથી દેખતું કરવું હતું
ગાંઠ ખીલેથી વછોડી લઈ ગયા ડેલી સુધી
પત્ર આવે ત્યાં જ ફળિયું દોડતું કરવું હતું
એમ નહિ કે બસ ગઝલમાં રાચતું કરવું હતું
આપણે તો આ નગરને નાચતું કરવું હતું
સ્રોત
- પુસ્તક : ગરાસ (પૃષ્ઠ ક્રમાંક 38)
- સર્જક : ડૉ. નીરજ મહેતા
- પ્રકાશક : રન્નાદે પ્રકાશન
- વર્ષ : 2014