રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સાગરના દોસ્ત
sagarna dost
અઝીઝ ટંકારવી
અઝીઝ ટંકારવી
કેમ સઘળા થઈ ગયા પથ્થરના દોસ્ત?!
જેમને ગણતા હતા ઈશ્વરના દોસ્ત,
એ સમયનો સાથ નહિ આપી શકે,
આ બધા તો છે ફક્ત પલભરના દોસ્ત.
ઘર તમારું જેમણે બાળી દીધું,
એ કદાચિત્ હો તમારા ઘરના દોસ્ત.
ઝણઝણાવે છે હૃદયના તારને,
યાદ આવે જે ક્ષણે અંતરના દોસ્ત.
ઝાંઝવાં પીને ઘણાંયે તૃપ્ત છે!
કેમ પ્યાસા છે હજી સાગરના દોસ્ત?
સ્રોત
- પુસ્તક : શબ્દસૃષ્ટિ - ડિસેમ્બર 2008 (પૃષ્ઠ ક્રમાંક 6)
- સંપાદક : હર્ષદ ત્રિવેદી
- પ્રકાશક : ગુજરાત સાહિત્ય અકાદમી
- વર્ષ : 2008