રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

જે કંઈ ભીતર છે ઉપર આવશે

હનીફ સાહિલ

જે કંઈ ભીતર છે ઉપર આવશે

હનીફ સાહિલ

Roman

જે કંઈ ભીતર છે ઉપર આવશે

સ્થિર જળ પર એક પથ્થર આવશે

આ હવાઓના ટકોરા સાંભળી

ખોલશો બારી તો એક શર આવશે

દેહ માટીનો લઈ ચાલ્યા તો છો

રાહમાં આગળ સમંદર આવશે

ક્યાં સુધી ગંભીર રહી શકશે નગર

હાથમાં લઈ કોઈ પથ્થર આવશે

રાહ જોઈ દ્વાર પર બેસી રહો

જે કોઈ બાહર છે અંદર આવશે

સ્રોત

પુસ્તક : પર્યાય તારા નામનો (પૃષ્ઠ ક્રમાંક 75)
સર્જક : હનીફ સાહિલ
પ્રકાશક : ગુજરાતી સાહિત્ય પરિષદ
વર્ષ : 1985