રેખ્તા
હિન્દવી
સૂફીનામા
રાજસ્થાની
નથી પ્હેલા નથી છેલ્લા અમે વચ્ચે
nathi phela nathi chhella ame wachche
દર્શક આચાર્ય
દર્શક આચાર્ય
નથી પ્હેલા નથી છેલ્લા અમે વચ્ચે,
નથી વૃક્ષો નથી વેલા અમે વચ્ચે.
કઈ રીતે તમારાથી ઉકેલાશું?
નથી ગાંડા નથી ઘેલા અમે વચ્ચે.
સમયના બંધનો સાથે અહીં આવ્યાં,
નથી મોડા નથી વ્હેલા અમે વચ્ચે.
બધું જાણી જણાવી સિદ્ધ શું કરશું?
નથી ગુરુ નથી ચેલા અમે વચ્ચે.
અનાદિ કાળથી વ્હેતા હતા જળવત્,
નથી ચોખ્ખા નથી મેલા અમે વચ્ચે.
સ્રોત
- પુસ્તક : સાંસોટ (પૃષ્ઠ ક્રમાંક 19)
- સર્જક : દર્શક આચાર્ય
- પ્રકાશક : વિશ્વગાથા
- વર્ષ : 2021