રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
આ દિશાઓનું છે હોવાથી વધુ કર્તવ્ય શું?
aa dishaonun chhe howathi wadhu kartawya shun?
મુકુલ ચોક્સી
મુકુલ ચોક્સી
આ દિશાઓનું છે હોવાથી વધુ કર્તવ્ય શું?
શ્વાસને નૈઋત્ય શું ને ઘાસને વાયવ્ય શું?
ઊડવાની બાદ કરીએ તો બીજી બાની મહીં,
પંખીઓ આપી શકે પીંછા વિશે વક્તવ્ય શું?
સાવ આ નિસ્પૃહ સૂરજ-ચંદ્રને ક્યાંથી ખબર,
સાંજનું કૌમાર્ય શું ને રાતનું વૈધવ્ય શું?
અશ્રુ જેને મન નીચોવાઈ ગયેલું સ્વર્ગ છે;
હોય એ રેતીનું ચોમાસા વિશે મંતવ્ય શું?
સ્રોત
- પુસ્તક : તાજા કલમમાં એ જ કે (પૃષ્ઠ ક્રમાંક 39)
- સર્જક : મુકુલ ચોક્સી
- પ્રકાશક : ઈમેજ પબ્લિકેશન્સ
- વર્ષ : 2001