રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પણે બાગમાં જે ચમેલી છે સંતો
pane bagman je chameli chhe santo
સંદીપ ભાટિયા
સંદીપ ભાટિયા
પણે બાગમાં જે ચમેલી છે સંતો,
અમારા હૃદયમાં ટહેલી છે સંતો.
બગીચાના ઝાંપાઓ સઠિયાઈ ગ્યા છે,
મહેક આજ વંઠી ગયેલી છે સંતો.
ફરી આભ ખોભો ભરી તેજ લાવ્યું,
તિમિર સાવ કાણી તપેલી છે સંતો.
જુઓ ઝૂંપડી પર પડે ઝીણો તડકો,
અહીં સાંજ સોને મઢેલી છે સંતો.
હજી ભીંત કેવળ વિષય કલ્પનાનો,
અમે ભીંતને ક્યાં અઢેલી છે સંતો.
સ્રોત
- પુસ્તક : વસંતવૈભવ (પૃષ્ઠ ક્રમાંક 39)
- સંપાદક : સુરેશ દલાલ
- પ્રકાશક : ગુજરાત વિદ્યાપીઠ ગ્રંથાલય
- વર્ષ : 2006