રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
તોરણ જે ઉતારો છો, એ લીલું તો નથી ને?
toran je utaro chho, e lilun to nathi ne?
વિવેક કાણે
વિવેક કાણે
તોરણ જે ઉતારો છો, એ લીલું તો નથી ને?
સંકેલો છો જે સ્વપ્ન, એ ભીનું તો નથી ને?
આ મોડસઑપરેન્ડી તો એની જ છે નક્કી
હથિયાર કતલનું જુઓ પીછું તો નથી ને?
સરખું છે અમારું, કે તમારું, કે બધાનું
દુઃખોનું તપાસો, કોઈ બીબું તો નથી ને?
નીકળ્યા જ કરે નિત્ય નવાં સ્વપ્ન નિરંતર
પલકોની પછીતે કોઈ ખિસ્સું તો નથી ને?
જન્મ્યા, અને જીવ્યા, ને પછી મોતને ભેટ્યા
આયુષ્ય ‘સહજ’, એટલું સીધું તો નથી ને?
સ્રોત
- પુસ્તક : રેખ્તા ગુજરાતી માટે કવિએ પોતે પસંદ કરેલી કૃતિ.