નજરના તાર ઉપર તારા તું ચલાવ મને

નજરના તાર ઉપર તારા તું ચલાવ મને

પડી જો જાઉં તો પાંપણ વડે ઉઠાવ મને

મિલનનો વર્ષોમાં આવે છે જે એ અવસર છું

તું તારા હોઠનાં ફૂલો વડે સજાવ મને.

છું કોઈ સ્વપ્નનાં દૃશ્યો નયનમાં સાચવી રાખ

ગમે છે બહુ તને એ લય છું ગુનગુનાવ મને.

ઊડી જઈશ બહુ અંગત પળોની સૌરભ છું

તું વાતવાતમાં હોઠો ઉપર ન લાવ મને

પલકમાં તારી નિકટ છું અને પલકમાં નથી

જરાક સાચવી આંખોમાં પટપટાવ મને

najarna tar upar tara tun chalaw mane