રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
નદીપણું તો પછી ક્યાંય નદીમાં ન રહ્યું
nadipanun to pachhi kyanya nadiman na rahyun
હરકિશન જોષી
હરકિશન જોષી
નદીપણું તો પછી ક્યાંય નદીમાં ન રહ્યું
બરફનું શહેર સતત સૂર્યની દિશામાં વહ્યું!
ઉઘાડબંધ થતાં જીર્ણ કમાડોનું રુદન;
દીવાલો જેમ અમે મૂક થઈ ગયા ને સહ્યું!
હવાની આંગળીએ શ્વાસના શિશુની સફર
બધી જ બાબતોમાં સાંત્વન પરાયું રહ્યું!
ન કોઈ રાતને રોકી શક્યા, ન વાત કરી,
સવાર-સાંજનેય આમ તો કશું ન કહ્યું!
પસાર થઈ ગયા એ બ્હાવરાની જેમ કિશન
ઉઠાવી ધૂળમાંથી મસ્તકે ન ફૂલ ગ્રહ્યું.
સ્રોત
- પુસ્તક : તારા નગરમાં (પૃષ્ઠ ક્રમાંક 50)
- સર્જક : હરકિશન જોષી
- પ્રકાશક : રૂપાલી પબ્લિકેશન
- વર્ષ : 1980