રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

શ્વાસમાં શ્વાસ વણી જીવવા જેવી ઘડી છે

હેમંત ધોરડા

શ્વાસમાં શ્વાસ વણી જીવવા જેવી ઘડી છે

હેમંત ધોરડા

Roman

શ્વાસમાં શ્વાસ વણી જીવવા જેવી ઘડી છે

મરવા માટે તો પછી જિંદગી આખ્ખી પડી છે

ચાલને શોધીએ આ ઘાસની ગંજીમાં સોય

ન જડી તો ન જડી ને જડી છે તો જડી છે

ખરતા તારા તું વીણે આગિયા હું વીણું છું

રાત જેણે ઘડી છે આપણા માટે ઘડી છે

આખ્ખી ને આખ્ખી નદી આપણે શીખી લઈશું

થોડી લહેરો તને ને થોડી મને આવડી છે

કદી પાંપણ તો એ ક્યારેક વળી કેશકલાપ

કેવું કેવું તેં જે દીધી એ પળેપળ અડી છે

સ્રોત

પુસ્તક : માત્ર ઝાંખી (પૃષ્ઠ ક્રમાંક 32)
સર્જક : હેમંત ધોરડા
પ્રકાશક : નવભારત સાહિત્ય મંદિર
વર્ષ : 2013