રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

સતત આઘું ખસીને છેતરે મૃગજળ તો મૃગજળ છે

હર્ષવી પટેલ

સતત આઘું ખસીને છેતરે મૃગજળ તો મૃગજળ છે

હર્ષવી પટેલ

Roman

સતત આઘું ખસીને છેતરે મૃગજળ તો મૃગજળ છે

ભીંજવવા દૂરથી આવે નજીક વાદળ તો વાદળ છે

ભલેને હોય કાંટાળો કશેક લઈ જાય છે રસ્તો

ભલે ને હોય સોનાની છતાં સાંકળ તો સાંકળ છે

ઘણી ઊંડી છે નિસ્બત આંસુને બે આંખ સાથેની

ઉપરછલ્લું છે, રેલાઈ જશે કાજળ તો કાજળ છે

મળે ઈ-મેલમાં ક્યાં શબ્દ છેકેલા-સુધારેલા

મજાની એ મથામણથી ભર્યો કાગળ તો કાગળ છે

રહી પાછળ અમે જોયો આ દુનિયાનો ખરો ચહેરો

ભલેને ભાગ્ય મારું બે કદમ આગળ તો આગળ છે

સ્રોત

પુસ્તક : તારી ન હો એ વાતો (પૃષ્ઠ ક્રમાંક 02)
સર્જક : હર્ષવી પટેલ
પ્રકાશક : ઝેન ઓપુસ
વર્ષ : 2024