મોત થઈ ગ્યું છે જંગલમાં એકાંતનું – કોઈ રોતું નથી

મોત થઈ ગ્યું છે જંગલમાં એકાંતનું – કોઈ રોતું નથી

મોર નાચે છે વસતીમાં આવી હવે – કોઈ જોતું નથી

ઝાડ પર જ્યારથી એક પંછીએ માળો વિખેરી દીધો

છાંયડો રોજ આવીને બેસે છે પણ – કોઈ હોતું નથી

શ્રાપ એવો મળ્યો ગામને કે હવે આંખ થઈ ગઈ બધી વાંઝણી

સારા સારા પ્રસંગો બને છે છતાં – કોઈ રોતું નથી

આજ આવ્યો – તો ઘર પાસ ખુલ્લી કબર એક જોવા મળી

બોલી : ઊભો છે કેમ બ્હાર આવી જા ‘સૈફ’ – કોઈ જોતું નથી

mot tahii gyun chhe junglemaan aekaantnun - koii rotun nathii