મીઠી માલિકની દયા જેવી

મીઠી માલિકની દયા જેવી

વાત છે ચોખ્ખી દીવા જેવી

શહેરમાં તારા જિન્દગી મારી

ના થવાનું બધું થવા જેવી

આધુનિક થઈ ગઈ આખી દુનિયા

તું રહી ગઈ પરમ્પરા જેવી

કેવું રૂપક અને શાની ઉપમા

એ નથી કોઈ કે કશા જેવી

આંખ મીંચાય ને તું છે અસ્તુ

આંખ ખૂલે ને શ્રી સવા જેવી

આપણું હોવું મરશિયું જાણે

ને હયાતી છે આપણી છાજિયા જેવી

સીધીસાદી ગઝલ લખી દે અદમ

જીવીકાકીની શારદા જેવી

mithi malikni daya jewi