રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
નજરના તાર ઉપર તારા તું ચલાવ મને
najarna tar upar tara tun chalaw mane
હેમંત ધોરડા
હેમંત ધોરડા
નજરના તાર ઉપર તારા તું ચલાવ મને
પડી જો જાઉં તો પાંપણ વડે ઉઠાવ મને
મિલનનો વર્ષોમાં આવે છે જે એ અવસર છું
તું તારા હોઠનાં ફૂલો વડે સજાવ મને.
છું કોઈ સ્વપ્નનાં દૃશ્યો નયનમાં સાચવી રાખ
ગમે છે બહુ તને એ લય છું ગુનગુનાવ મને.
ઊડી જઈશ બહુ અંગત પળોની સૌરભ છું
તું વાતવાતમાં હોઠો ઉપર ન લાવ મને
પલકમાં તારી નિકટ છું અને પલકમાં નથી
જરાક સાચવી આંખોમાં પટપટાવ મને
સ્રોત
- પુસ્તક : અણસાર (પૃષ્ઠ ક્રમાંક 7)
- સર્જક : હેમંત ધોરડા
- પ્રકાશક : પોતે
- વર્ષ : 1988