રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
આમથી તેમ જઈ આખરે મન રોઈ પડ્યું
amthi tem jai akhre man roi paDyun
દિલીપ વ્યાસ
દિલીપ વ્યાસ
આમથી તેમ જઈ આખરે મન રોઈ પડ્યું,
વાર્યું ઘરમાં તો ચડી છાપરે મન રોઈ પડ્યું.
એક તો શબ્દનો વિસ્તાર, પણ વળાંકભર્યો;
-ને વળી એમાં ખૂણે-ખાંચરે મન રોઈ પડ્યું.
યાદ કોની છે તેની સ્પષ્ટતા થઈ ન શકી,
સાવ અનુમાન અને આશરે મન રોઈ પડ્યું.
ઊંચકાઈ ને ઢળી સાંજની નજર નમણી,
કોઈ કિલ્લાને એક કાંગરે મન રોઈ પડ્યું.
આખરે રાત કવિતાની પણ થઈ પૂરી
-ને સવારે સખત ઉજાગરે મન રોઈ પડ્યું!
સ્રોત
- પુસ્તક : ઊભો છે સમય બહાર (પૃષ્ઠ ક્રમાંક 61)
- સર્જક : દિલીપ વ્યાસ
- પ્રકાશક : પોતે
- વર્ષ : 1984