રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સાંજના વાતાવરણની એ જ તો તકલીફ છે
sanjna watawaranni e ja to takliph chhe
પ્રણવ પંડ્યા
પ્રણવ પંડ્યા
સાંજના વાતાવરણની એ જ તો તકલીફ છે,
બહુ વલોવે છે : સ્મરણની એ જ તો તકલીફ છે.
ઝંખના જીવલેણ છે એ જાણીને પણ ઝંખના!
જીવતાં પ્રત્યેક જણની એ જ તો તકલીફ છે.
મૌન પાછળ લાગણી ઢાંકી શક્યું ના કોઈપણ,
સાવ પાંખા આવરણની એ જ તો તકલીફ છે.
ના કદી વાંચી શક્યો હું તારી આંખોની લિપિ,
હું અભણ છું, ને અભણની એ જ તો તકલીફ છે.
બારણે જો દે ટકોરા તો હું ભેટીને મળું,
મળતું બિલ્લિપગ, મરણની એ જ તો તકલીફ છે.
સ્રોત
- પુસ્તક : માસૂમ હવાના મિસરા (પૃષ્ઠ ક્રમાંક 88)
- સંપાદક : અંકિત ત્રિવેદી
- પ્રકાશક : નવભારત સાહિત્ય મંદિર
- વર્ષ : 2006