રેખ્તા
હિન્દવી
સૂફીનામા
રાજસ્થાની
લાગે..!
lage !
જયશ્રી મરચન્ટ
જયશ્રી મરચન્ટ
સવારો હવે તો વજનદાર લાગે
છે તડકો સુકોમળ છતાં ભાર લાગે
છે શરણાગતિ કેવી દૈવી તમારી
કે જીત્યા પછી પણ મને હાર લાગે
સજાવી કહી વાત તેથી મેં થોડી
સીધી સટ કહું તો નહીં સાર લાગે
વસંતોની કેફી ખુમારી છતાંયે
ફૂલોના સંબંધોમાં પણ ખાર લાગે
છે શું 'ભગ્ન' એવું ગઝલમાં તે એની
ઊતરતાં જ દિલમાં તરત ધાર લાગે
સ્રોત
- પુસ્તક : ગુર્જરી ડાયજેસ્ટ
- સંપાદક : ડૉ. બળવંત જાની
- પ્રકાશક : પાર્શ્વ પબ્લિકેશન
- વર્ષ : 2012