કોઈનું કોણ થયું આમ જીવનભર, તો પણ

કોઈનું કોણ થયું આમ જીવનભર, તો પણ

આ રૂપ-પ્રેમ તો કેવળ છે છળ મગર તો પણ

હજારો વાર જમાનો થયો અહીંથી પસાર

નવી નવી જ છે આ તારી રાહગુજર તો પણ

હું કેવી રીતે કહું આ તરફ તું જો કે ન જો

કે પીડા, પીડા છે તો પણ નજર નજર તો પણ

ફરકતી જાય છે સ્થળને સમયની આંખો પણ

પ્રવાસ માટે છે આ કાફલો તત્પર તો પણ

વિચારતા રહ્યા તારા વિયોગી થઈને ખરાબ

બસ એ કે તારી નજર, તારી નજર છે તો પણ

જીવન વીતી ગયું તારી નજરથી બચવામાં

જીવનની નાડીમાં ઊતરી ગયું નશ્તર તો પણ

પ્રણયનું ભાન ભૂલ્યાને જમાનો વીતી ગયો

ફિરાક કરતી રહી કામ એ નજર તો પણ

(અનુ. હનીફ સાહિલ)

koiinun kon thayun aam jiivanbhar to pan