કોઈ લાંબી લાંબી લખાવટ નથી

કોઈ લાંબી લાંબી લખાવટ નથી

ગઝલ છે ઈશારો, છણાવટ નથી

એ જીરવી નથી શકતો એકાંતને

સ્વયં સાથે આ દુશ્મનાવટ નથી?

તું પોતાને રોકીને ઊભો છે બસ

જગતમાં બીજી કંઈ રુકાવટ નથી

પછી ચડજે ટોચે, તું પહેલાં તપાસ

કે મૂલ્યોમાં કોઈ ગિરાવટ નથી

હું જેવો છું એવો છું તારી સમક્ષ

બનાવટ નથી કંઈ સજાવટ નથી

રદીફ, કાફિયા, છંદ ફાવી ગયા

ગઝલમાં હજુ એવી ફાવટ નથી

koi lambi lambi lakhawat nathi