રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ખૂબ ઊંચે ચડી ગયો છું હું
છેક નીચે પડી ગયો છું હું
એક હાથે મને મેં તરછોડ્યો
અન્ય હાથે અડી ગયો છું હું
મેં મને ખૂબ ખૂબ ઘૂંટ્યો છે
ને મને આવડી ગયો છું હું
થાય છે કે ફરીથી બંધાઉં
સામટો ગડગડી ગયો છું હું
બંધ થઈ જાઉં આજ શબ્દ બની
ઓટલો ઊઘડી ગયો છું હું
સ્રોત
- પુસ્તક : ૧૧ દરિયા (પૃષ્ઠ ક્રમાંક 47)
- સર્જક : મનહર મોદી
- પ્રકાશક : રન્નાદે પ્રકાશન
- વર્ષ : 1986
- આવૃત્તિ : (પ્રથમ આવૃત્તિ)