રેખ્તા
હિન્દવી
સૂફીનામા
રાજસ્થાની
ખોલી નાખ
kholi nakh
મનોજ ખંડેરિયા
મનોજ ખંડેરિયા
સ્હેજ હડસેલી ઠેલી ખોલી નાખ
બંધ જીવતરની ડેલી ખોલી નાખ
બંધ મુઠ્ઠીની છે સમસ્યા સહુ
તારી મુઠ્ઠી તું વ્હેલી ખોલી નાખ
શ્વાસને સાવ છુટ્ટા મેલી દે!
તું હવાની હવેલી ખોલી નાખ
બારની તડથી આવે મ્હેક હવે
ક્યાંક મ્હેકે ચમેલી ખોલી નાખ
બીજમાંથી સીધી પૂનમ દઈ દે!
સ્હેજ પાંપણ નમેલી ખોલી નાખ
આ ગઝલ આપણા જીવન-તાંદુલ
પોટલી શરમ મેલી ખોલી નાખ
બાર વાસ્યું છે અમથું અડકાડી
સ્હેજ હડસેલી ઠેલી ખોલી નાખ
સ્રોત
- પુસ્તક : ઉત્તરાયણ (પૃષ્ઠ ક્રમાંક 146)
- સંપાદક : દીપક મહેતા
- પ્રકાશક : નેશનલ બુક ટ્રસ્ટ, ઇન્ડિયા
- વર્ષ : 2008