રેખ્તા
હિન્દવી
સૂફીનામા
રાજસ્થાની
જતાં મદફન તરફ ઘરથી બજવવા ઢોલતાસા શા?
બજવવા ઢોલતાસા શા? ઊજવવા આ તમાશા શા?
થતાં પહેલાં ઝભે મુજને હતું ના કોઈ ઓળખતું,
કબર આગળ હવે મારી ફૂલો, સાકર, પતાસાં શાં?
ગયો રમનાર વેચાઈ સદાની બેનસીબીને;
પછીથી નાખવા તેની ઉપર શતરંજપાસા શા?
બીજાને કાજ તે એકે હતો હરગિઝ મુકાયો ના−
કહો, પોતાની હાલત પર પછી મૂકવા નિસાસા શા?
દમે આખર પતલિયાને કહો છો શું તમે આવી?
ન આપ્યો પ્રેમ તો મુજને–હવે ખપના દિલાસા શા?
સ્રોત
- પુસ્તક : ગુજરાતની ગઝલો (પૃષ્ઠ ક્રમાંક 113)
- સંપાદક : કૃષ્ણલાલ મોહનલાલ ઝવેરી
- પ્રકાશક : સસ્તું સાહિત્યવર્ધક કાર્યાલય
- વર્ષ : 1942