રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ખબર ન્હોતી ફરી જાશે બધી આશા ઉપર પાણી
khabar nhoti fari jashe badhi aasha par pani
ગુલામ અબ્બાસ 'નાશાદ'
ખબર ન્હોતી ફરી જાશે બધી આશા ઉપર પાણી
khabar nhoti fari jashe badhi aasha par pani
ગુલામ અબ્બાસ 'નાશાદ'
ગુલામ અબ્બાસ 'નાશાદ'
ખબર ન્હોતી ફરી જાશે બધી આશા ઉપર પાણી;
-અને ચાતક હૃદય ચિત્કારશે આઠે પ્રહર પાણી.
સતત આ જિંદગીએ ત્રાસ એ રીતે ગુજાર્યો છે;
હસું છું ભૂલથી તો ફેરવી દે છે નજર પાણી.
સજા છે કે પરિક્ષા છે, નિયમ છે કે પછી અપવાદ;
નજર ચોપાસ દરિયો છે ને માંગે છે અધર પાણી.
અચાનક જળસપાટી પર તરંગોનાં કુંડાળા કેમ ?
ફરીથી કોણ ડહોળે છે પ્રિયે તારા વગર પાણી !
જવાબીપત્ર તારા હાથમાં કાસિદ અને કંપન;
કહે છે હાલ તારો, તું ય લાવ્યો છે ખબર પાણી
તરસ્યું મન વિચારે છે બુઝાશે પ્યાસ શી રીતે?
નજર પાણી,ડગર પાણી, દિશા પાણી,સફર પાણી.
દુઆ ને પ્રાર્થના યોજે છે લોકો ઢોલ પીટીને;
આ મારી આંખ ભીની છે ને શોધે છે નગર પાણી.
સ્રોત
- પુસ્તક : ઉચાટ (પૃષ્ઠ ક્રમાંક 13)
- સર્જક : ગુલામ અબ્બાસ 'નાશાદ'
- પ્રકાશક : નવભારત સાહિત્ય મંદિર
- વર્ષ : 1996