રેખ્તા
હિન્દવી
સૂફીનામા
રાજસ્થાની
કારણ વગરનાં કારણો રસ્તે નડી ગયા
karan vagarnan karno raste nadii gyaa
કુમાર જૈમિનિ શાસ્ત્રી
કુમાર જૈમિનિ શાસ્ત્રી
કારણ વગરનાં કારણો રસ્તે નડી ગયા,
સીધી સફરમાં અવનવા ફાંટા પડી ગયા.
ભીની હવાને એક-બે શ્વાસો અડી ગયા,
ચાલ્યા વગર, રસ્તા ઉપર પગલા પડી ગયા.
તારા અબોલા કેટલા વ્યાપક બની ગયા,
આખા નગરમાં મૌનના પડઘા પડી ગયા.
તારા નયનમાં વન હતું, મારા નયનમાં રણ,
બંને દિશામાં આપણે ભૂલા પડી ગયા.
એકેક જણ પાસે હવે નવતર ઉજાસ છે,
જાણે બધાને આગવા સૂર્યો જડી ગયા.
ગુમનામ ઘરની શૂન્યતા સારી હતી 'કુમાર',
મહેફિલમાં તો સૌના ભરમ નજરે ચડી ગયા.
સ્રોત
- પુસ્તક : તારા નામની પાછળ (પૃષ્ઠ ક્રમાંક 26)
- સર્જક : કુમાર જૈમિની શાસ્ત્રી
- પ્રકાશક : જ્ઞાનમંદિર પ્રકાશન
- વર્ષ : 2007