રેખ્તા
હિન્દવી
સૂફીનામા
રાજસ્થાની
કારણ ન પૂછ
karan na poochh
દીપક બારડોલીકર
દીપક બારડોલીકર
મારાં આંસુઓનું તું કારણ ન પૂછ!
ઘર, ગલી, કેવાં સ્વજન ને કેવું ગામ
ચૂરો ચૂરો ખાબાના છે સૌ મુકામ
જાણે જીવન શોક સંઘરવાનું નામ
મારાં આંસુઓનું તું કારણ ન પૂછ!
દેશ-દેશે બસ ભટકાવાનું રહ્યું
ગમસલીબો પર લટકવાનું રહ્યું
રાત આ લેતી નથી ખસવાનું નામ
મારાં આંસુઓનું તું કારણ ન પૂછ
જુલ્મ એવા કે થયા શ્વાસોય ચીસ
ફૂલને પણ જું તો લાગે ચે બીક
હું નથી લેતો હવે હસવાનું નામ
મારાં આંસુઓનું તું કારણ ન પૂછ!
ચાળણી સરિયામ જીવન થૈ ગયું
લીરા લીરા ભાગ્યનું પહેરણ થયું
જીવવું પણ છે ફક્ત મરવાનું નામ
મારાં આંસુઓનું તું કારણ ન પૂછ!
સ્રોત
- પુસ્તક : કુલ્લિયાતે દીપક (પૃષ્ઠ ક્રમાંક 274)
- સર્જક : દીપક બારડોલીકર
- પ્રકાશક : પોતે
- વર્ષ : 2007