રંગીન માછલી છે

રંગીન માછલી છે

ઝાંખા ઉજાસ વચ્ચે તેં જે કથા કહી છે,

સાંભળજે કાન દઈને એની જ આ કડી છે.

પળને બનાવે પથ્થર, પથ્થરને પારદર્શક,

તાકી રહી છે કોને, આ કોની આંગળી છે?

કાજળ બનીને આવો કે જળ બની પધારો,

પાંપણથી નમણી બીજી ક્યાં કોઈ પાલખી છે?

નખ હોય તો કપાવું દઃખ હોય તો નિવારું,

ભીતરને ભેદતી આ મારી જ પાંસળી છે.

ઇચ્છાના કાચઘરમાં એ એક થાય અંતે :

માણસનું નામ બીજું રંગીન માછલી છે.

rangiin maachhalii chhe