રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
કહી દે મોતને કે આવી જાય જાત ઉપર
kahi de motne ke aawi jay jat upar
ભાવેશ ભટ્ટ
ભાવેશ ભટ્ટ
કહી દે મોતને કે આવી જાય જાત ઉપર
હું રાહ જોઉં છું મોકા-એ-વારદાત ઉપર
મને ક્યાં રંજ છે માથા ઉપર પડ્યાનો કૈં
હું શોક પાળું છું વીજળીના આપઘાત ઉપર
કદી પૂછે જો કોઈ મારી ‘આખરી ખ્વાહિશ’
કહું કે ‘કરવો છે પેશાબ આ હયાત ઉપર!’
ઘણીયે ઘાત ગણિકાની જેમ ઘૂરે મને
છે આફરીન બધી મારી રીતભાત ઉપર
જે રાત નીચે દબાયા હતા, બસ એ જ બચ્યા
થયા હલાલ, હતા જે સવાર, રાત ઉપર
ઝઘડતી જોઈ વ્યથાને અમે ખુશી જોડે
પતિતા જેમ કોઈ વિફરે રખાત ઉપર
ગઝલના શેર નપુંસક થઈ રહ્યા સાબિત
બહુ ભરોસો હતો એમની જમાત ઉપર
સ્રોત
- પુસ્તક : રેખ્તા ગુજરાતી માટે કવિએ પોતે પસંદ કરેલી કૃતિ.