રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
કદી-કદી
kadi kadi
મહેન્દ્ર વ્યાસ 'અચલ'
મહેન્દ્ર વ્યાસ 'અચલ'
જાહેર એમ થઈ ગયાં છાનાં મિલન કદી-કદી,
મનમાં છુપાવી ના શક્યાં, વાતો નયન કદી-કદી.
ઓ આસમાનના ધણી, એવું કદી-કદી બને!
તારી ધરા કદી-કદી, મારું ગગન કદી-કદી!
જીવન સફળ થનારનું મૃત્યુ સફળ ન થાય પણ,
મઝધારથીય હોય છે કાંઠો ગહન કદી-કદી.
એ રીતે સાચવી લીધી ઉપવનની આબરૂ અમે,
કંટકને પણ ચૂમી લીધા સમજી સુમન કદી-કદી.
મારી રૂપાળી નાવના રૂપનો દમામ જોઈને,
સાથે થઈ ગયો હતો સામો પવન કદી-કદી.
મારા વિરોધીઓ, ભલા! આ વાતથી અજાણ છે,
મારી શકાય છે મને થઈને સ્વજન કદી-કદી.
જીવન તણા પ્રવાસનો લાગ્યો ન થાક એ રીતે,
સર્જ્યા સ્વપન કદી-કદી, ખોયાં સ્વપ્ન કદી-કદી.
એકે રૂપાળું મુખ અહીં જ્યારે નથી હું ભાળતો,
નીરખી લઉં છું હું ‘અચલ’ મારું વદન કદી-કદી.
સ્રોત
- પુસ્તક : મધુવન (પૃષ્ઠ ક્રમાંક 190)
- સંપાદક : હરીન્દ્ર દવે
- પ્રકાશક : પ્રવીણ પ્રકાશન, રાજકોટ
- વર્ષ : 2002
- આવૃત્તિ : 4