રેખ્તા
હિન્દવી
સૂફીનામા
રાજસ્થાની
જીવનથી
jiwanthi
અશોક ચાવડા 'બેદિલ'
અશોક ચાવડા 'બેદિલ'
એ જ ફરિયાદ હોય જીવનથી;
જાતિ જાતી નથી કદી મનથી.
કૈંક ચીજો હજીય એવી છે,
જે ખરીદી શક્યો ન હું ધનથી.
હરિનું ઘર આમ હોય છે કેવું!
કેમ પૂછી શકાય હરિજનથી?
કોઈ કાળે છૂટી શકાતું ના,
વર્ણના એકમાત્ર બંધનથી.
રક્ત સાથે જ વેદના વ્હેતી,
જોઈ શકતો ન તું લોચનથી.
સ્રોત
- પુસ્તક : ડાળખીથી સાવ છૂટાં
- સર્જક : અશોક ચાવડા ‘બેદિલ’
- પ્રકાશક : રન્નાદે પ્રકાશન
- વર્ષ : 2012