જેટલો મોટેલનો વિસ્તાર છે

જેટલો મોટેલનો વિસ્તાર છે

એટલો આ આપણો સંસાર છે

આ અમેરિકાનો જયજયકાર છે

એની થૂલી પણ હવે કંસાર છે

આપણો તાળો નથી મળતો પટેલ

એક પટલાણી ને સપનાં ચાર છે

આમ તો કંઇ પણ ફકરચંત્યા નથી

તોય માથા પર આ શાનો ભાર છે

અઁઈનો પિઝા કે વતનનો રોટલો

એ બધી ચર્ચા હવે બેકાર છે

ચોંપલી ના થા ને સીધી કોમ કર

આજ કંઈ સન્ડે નથી બુધવાર છે

મારું હાળું એ જ હમજાતું નથી

આપણી આ જીત છે કે હાર છે

ઉપર ઉપરથી બધું ય ચકચકિત

કિન્તુ અંદરથી બધું બિસ્માર છે

આપણે પણ દેશભેગા થઈ જશું

છોડી પૈણી જાય એની વાર છે

અહીંયાં એની બોનને પૈણે, અદમ

ક્યાં કોઈને આપણી દરકાર છે

jetlo motelno wistar chhe