રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
જાગરણ નથી
jagran nathi
સુરેશ દલાલ
સુરેશ દલાલ
પહેલાં હતું એ આજનું વાતાવરણ નથી:
રસ્તો અહીં પડ્યો છે ને તારા ચરણ નથી!
તેં જે નથી કહી એ બધી વાત યાદ છે:
તેં જે કહી એ વાતનું કોઈ સ્મરણ નથી!
પડદો પડી ગયો છે હવે સૌ પ્રસંગ પર:
કહેતા હતા મને કે કોઈ આવરણ નથી!
હું છું તમારી પાસ: ઉપેક્ષાની રીત આ:
આંખો મીંચાઈ નહીં ને મીઠું જાગરણ નથી!
અહીંયાં બધી દિશાએથી પડતો રહ્યો બરફ:
દુનિયામાં માત્ર એકલાં રેતીનાં રણ નથી!
તૂટેલી સર્વ ચીજ કરું એકઠી સદાઃ
શુ કાળ પાસે એકે અખંડિત ક્ષણ નથી!
(૧૯૬૮)
સ્રોત
- પુસ્તક : કાવ્યસૃષ્ટિ (પૃષ્ઠ ક્રમાંક 100)
- સર્જક : સુરેશ દલાલ
- પ્રકાશક : શ્રીમતી નાથીબાઈ દામોદર ઠાકરસી મહિલા વિદ્યાપીઠ
- વર્ષ : 1986