રેખ્તા
હિન્દવી
સૂફીનામા
રાજસ્થાની
અદમ ટંકારવી
હક્કાબક્કા થઈ ગયા પરદેશમાં
પાણીછલ્લા થઈ ગયા પરદેશમાં
મુઠ્ઠી અજવાળું ય ખરચાઈ ગયું
ઝાંખાપાંખા થઈ ગયા પરદેશમાં
હોઠ ઉપર હાઈ હલ્લો રહી ગયું
ખાલી હોહા થઈ ગયા પરદેશમાં
વૉગ પાકી સાંભળી હસતા રહ્યા
સાવ નકટા થઈ ગયા પરદેશમાં
ભૂરી ભૂરી આંખો છલકાઈ ગઈ
શેખ પીતા થઈ ગયા પરદેશમાં
આપણો અસ્સલ કલર ઊડી ગયો
દાધારંગા થઈ ગયા પરદેશમાં
હા, વતનમાં આપણે અકબંધ હતા
કટકાકટકા થઈ ગયા પરદેશમાં
વર્ક વુમન વૅધરના ત્રિશંકુ ઉપર
લ્યો, લટકતા થઈ ગયા પરદેશમાં
દેશથી લૅટર્સ જે આવ્યા હતા
પીળચટ્ટા પીળચટ્ટા થઈ ગયા પરદેશમાં
હા, સ્પૅક્ટેટર્સ, બની આવ્યા હતા
ને તમાશા થઈ ગયા પરદેશમાં
ભરબપોરે આંખ આ ખુલ્લી અને
ડ્રીમ જોતા થઈ ગયા પરદેશમાં
કોલ્ડ વૅધરમાં કલમ થીજી ગઈ
હાથ ઘસતા થઈ ગયા પરદેશમાં
(વૉગ પાકી : બ્રિટનમાં એશિયનોને કરાતું અપમાનજનક સંબોધન)
સ્રોત
- પુસ્તક : ગુજલિશ ગઝલો (પૃષ્ઠ ક્રમાંક 5)
- સર્જક : અદમ ટંકારવી
- પ્રકાશક : આર. આર. શેઠની કંપની
- વર્ષ : 2001