રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
આંગ્લકન્યા જોઈ વિલાઈ ગયું
anglkanya joi wilai gayun
અદમ ટંકારવી
અદમ ટંકારવી
આંગ્લકન્યા જોઈ વિલાઈ ગયું
ગુર્જરીનું રૂપ નજરાઈ ગયું
સોળ શણગારો સરર સરકી ગયા
સેંથીનું સિંદૂર ભૂંસાઈ ગયું
ના રહી બારાખડીની દામણી
ઝળહળીત એક ભાલ ઝંખાઈ ગયું
કર્યા લલાટે છે અનુસ્વાર ચાંદલો
તામ્ર તત્સમ તેજ અળપાઈ ગયું
દીર્ઘ ઈ ચોધાર આંસુએ રડી
આંખનું કાજળ આ રેલાઈ ગયું
વાળી વ્યુત્પત્તિની લ્યો ખોવાઈ ગૈ
નમણું નાજુક નાક અડવાઈ ગયું
ક ને અંબોડે હવે કેતક નથી
ફૂલ વેણીનુંય કરમાઈ ગયું
સ્રોત
- પુસ્તક : ૭૮૬ ગઝલો (પૃષ્ઠ ક્રમાંક 237)
- સર્જક : અદમ ટંકારવી
- પ્રકાશક : લજ્જા પબ્લિકેશન્સ
- વર્ષ : 2014