રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ગામ પાદર અને નદી લઈ ગઈ
gam padar ane nadi lai gai
અદમ ટંકારવી
અદમ ટંકારવી
ગામ પાદર અને નદી લઈ ગઈ
ચૉક સાથે એ ચાંદની લઈ ગઈ
આપણા હાથમાં ચિચૂકો રહ્યો
છોકરી બધી આંબલી લઈ ગઈ
મારું દફતર ઉઘાડી એક પરી
પેન પાટી ને ચોપડી લઈ ગઈ
એક-બે વાત કાલીઘેલી કરી
કોરા કાગળ ઉપર સહી લઈ ગઈ
નીકળી ટી.વી.માંથી એક લલના
ઝૂંટવીને એ શાયરી લઈ ગઈ
જવું નો'તું મુશાયરામાં અદમ
આ ગઝલ જીદ કરી કરી લઈ ગઈ
સ્રોત
- પુસ્તક : ૭૮૬ ગઝલો (પૃષ્ઠ ક્રમાંક 63)
- સર્જક : અદમ ટંકારવી
- પ્રકાશક : લજ્જા પબ્લિકેશન્સ
- વર્ષ : 2014