રેખ્તા
હિન્દવી
સૂફીનામા
રાજસ્થાની
ન જાય
na jay
જવાહર બક્ષી
જવાહર બક્ષી
બે-ચાર શક્યતાઓ છે સાચી પડી ન જાય
આ તરવરાટને કહો, હમણાં વધી ન જાય
તું પાસ હોય એવી રીતે ગાઉ છું ગઝલ
તું ક્યાંક પાસ આવી મને સાંભળી ન જાય
તારી નિકટ નથી તો હું તારાથી દૂર છું
તારી ઉપસ્થિતિ તો કદી અવગણી ન જાય
ભરપૂર હોઉં તોય તને ઝંખતો રહું
તું આ ભર્યાભર્યાપણાને ઓળખી ન જાય
તારી ગલીમાં ધુમ્મસી વાતાવરણ રહે
મારી ભીનાશ ક્યાંક તને પણ અડી ન જાય
થોડા વિકલ્પો આજ અતિથિ છે આંખમાં
તારા અભાવને કહે આંખો સુધી ન જાય
સ્રોત
- પુસ્તક : તારાપણાના શહેરમાં (પૃષ્ઠ ક્રમાંક 62)
- સર્જક : જવાહર બક્ષી
- પ્રકાશક : વિશાલ પબ્લિકેશન
- વર્ષ : 1999