રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ક્યાં સુધી
kyan sudhi
અશોક ચાવડા 'બેદિલ'
અશોક ચાવડા 'બેદિલ'
બોજ હું ઊંચકું ગામનો ક્યાં સુધી?
માનવી હું રહું નામનો ક્યાં સુધી?
અંગ પરના બધા ઘાવ બોલી ઊઠ્યા,
નહિ કરીએ હવે સામનો ક્યાં સુધી?
ખૂનની છે નદી ને તરે છે બધા,
લાવશે અંત સંગ્રામનો ક્યાં સુધી?
ગામને પાદરે ઝૂંપડાંઓ દીધાં,
હોય અન્યાય પણ આમનો ક્યાં સુધી?
વિશ્વ આખું જલાવી દો હક પામવા,
રાખવો ખોફ અંજામનો ક્યાં સુધી?
સ્રોત
- પુસ્તક : ડાળખીથી સાવ છૂટાં (પૃષ્ઠ ક્રમાંક 26)
- સર્જક : અશોક ચાવડા ‘બેદિલ’
- પ્રકાશક : રન્નાદે પ્રકાશન
- વર્ષ : 2012