મેં રદીફને ઊભી રાખી વાટમાં

મેં રદીફને ઊભી રાખી વાટમાં,

આવવા દે કાફિયાને ઘાટમાં!

એ હવાના વેશમાં આંધી હતી,

ઓળખાઈ ગઈ હતી સુસવાટમાં!

ના, હું સ્વપ્નામાં નથી બોલ્યો કશું,

નામ તારું દઈ દીધું ગભરાટમાં!

હું મને ભૂતકાળમાં જઈને મળ્યો,

પોઢ્યો’તો બિસ્તર વગરની ખાટમાં!

શાંતિ કે એકાંત જેવું કંઈ નહીં,

મેં ઘણી ગઝલો લખી ઘોંઘાટમાં.

હું ખલીલ અણનમ રહ્યો, બહેક્યો નથી,

છું સુરક્ષિત દાદના તરખાટમાં!

mein radiphne ubhi rakhi watman