રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
એના ગયા પછી
ena gaya pachhi
દિગંત પરીખ
દિગંત પરીખ
પાંપણોને કોઈ સમજાવે નહીં
પાંપણોમાં ઊંઘ પણ આવે નહીં
ભીંત પર એવી સફેદી જોઉં છું
આંખ કોઈ દૃશ્ય લટકાવે નહીં
ત્યાં ફૂટેલી માટલી કોને ખબર?
આંસુઓનાં બુંદ છલકાવે નહીં
રાખ ચૂલા પર હજી ઊડ્યા કરે
પણ હવાને કોઈ સળગાવે નહીં
સૂપડામાં શબ્દ વેરણછે’ર છે
હીંચકો પણ ગીત સંભળાવે નહીં
આંગણું ‘દિગન્ત’ જેવું થઈ ગયું
કોઈનાં પગલાઓ ઉપસાવે નહીં
સ્રોત
- પુસ્તક : વર્તુળને ખૂણે ખૂણે (પૃષ્ઠ ક્રમાંક 24)
- સર્જક : દિગન્ત પરીખ
- પ્રકાશક : હલક પ્રકાશન
- વર્ષ : 1996