રેખ્તા
હિન્દવી
સૂફીનામા
રાજસ્થાની
એક પીંછું મોરનું
ek pinchhun moranun
અરવિંદ ભટ્ટ
અરવિંદ ભટ્ટ
ફૂલ રાખ્યું હથેળી મહીં ભૂલમાં
આંગળીઓ બદલતી ગઈ શૂળમાં
આ પવન ખેરવે છે પીળાં પાંદડાં?
કે છુપાયું છે કોઈ કપટ મૂળમાં?
કોઈ માણસનું પગલું મળે ના કશે
ને પગરખાં છપાતાં રહે ધૂળમાં
એ જ રંગોથી સપનાંઓ રંગ્યાં હતાં
એ જ પાડી ગયાં દાગ પટકૂળમાં
એક પીછું મોરનું શોધતાં શોધતાં
છેક પહોંચી જવાયું છે ગોકુળમાં
સ્રોત
- પુસ્તક : એક પીંછું મોરનું (પૃષ્ઠ ક્રમાંક 39)
- સર્જક : અરવિંદ ભટ્ટ
- પ્રકાશક : પ્રવીણ પુસ્તક ભંડાર
- વર્ષ : 1995