રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

એ ઘર નથી કે થાય જૂનાં ગાબડાં પડે

રાજેશ વ્યાસ 'મિસ્કીન'

રાજેશ વ્યાસ 'મિસ્કીન'

એ ઘર નથી કે થાય જૂનાં ગાબડાં પડે

રાજેશ વ્યાસ 'મિસ્કીન'

Roman

એ ઘર નથી કે થાય જૂનાં ગાબડાં પડે,

સપનાંઓ તો હજૂય ઊભાં છે કડેધડે.

મૂંગાના સ્વપ્ન જેવું છે અજવાળું લોહીમાં,

મારામાં કોઈ બારણાની જેમ ઊઘડે.

ન જાણે કેમ? કોઈ ચરણમાં ઢળી પડું,

બળ તો હજુય એ જ ભર્યું છે આ બાવડે.

હા નામ ગઝલ, ધર્મ ગઝલ જાતિ પણ ગઝલ,

અમને ગઝલ સિવાય કશું પણ ન આવડે.

કહેજો કમાય છે હવે રાજેશ જા ઘરે,

એ ભૂખ્યો, તરસ્યો રાજીયો જો કોઈને જડે.

રસપ્રદ તથ્યો

(કવિની નોંધ : નામ ગઝલ .. શેર આદિલ મન્સૂરીના એક શેરની યાદમાં)

સ્રોત

પુસ્તક : બેસ્ટ ઑફ મિસ્કીન (પૃષ્ઠ ક્રમાંક 39)
સંપાદક : હર્ષ બ્રહ્મભટ્ટ
પ્રકાશક : નવભારત સાહિત્ય મંદિર
વર્ષ : 2013