રેખ્તા
હિન્દવી
સૂફીનામા
રાજસ્થાની
દૂરનો દીવો
durno diwo
અરવિંદ ભટ્ટ
અરવિંદ ભટ્ટ
ઓગળી જાતી અહીં અંધારમાં
દૂરનો દીવો ચીંઘે તે આંગળી
કોણ કોને માર્ગ આપે શી ખબર
કે અહીં બે કેડીઓ સામે મળી
એક ઘેટું ટાઢથી થરથર થતું.
જોયા કરે ભરવાડ પાસે કામળી
આજ આ ખંડેરમાં જીવતી જડી
ઘર તજી ચાલી ગયેલી પાંસળી
સ્રોત
- પુસ્તક : એક પીંછું મોરનું (પૃષ્ઠ ક્રમાંક 38)
- સર્જક : અરવિંદ ભટ્ટ
- પ્રકાશક : પ્રવીણ પુસ્તક ભંડાર
- વર્ષ : 1995