રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પીગળી જાશે જવાની શોધમાં
pigli jashe jawani shodhman
અબ્દુલ વાહીદ ‘સોઝ’
અબ્દુલ વાહીદ ‘સોઝ’
પીગળી જાશે જવાની શોધમાં,
તાપ છે એવો કલાની શોધમાં.
એમ શરમાઈને શોધે ઓઢણી,
ચાંદ જાણે વાદળાની શોધમાં.
માના ખોળેથી ગયો મંગળ સુધી,
આજનો બાળક દડાની શોધમાં.
દુઃખમાં ક્યાં દમ છે કે એ અડકે મને,
હું હતો પોતે બલાની શોધમાં.
આ સમયનો અશ્વ થાકે તો પછી,
નીકળું હું કાચબાની શોધમાં.
છાપરા જેવુંય માથે ના રહ્યું,
કલ્પવૃક્ષી છાંયડાની શોધમાં.
***
