રેખ્તા
હિન્દવી
સૂફીનામા
રાજસ્થાની
વ્હાલાંને આમંત્રણ
vhalanne aamantran
ચંદ્રશંકર નર્મદાશંકર પંડ્યા
ચંદ્રશંકર નર્મદાશંકર પંડ્યા
(ઓધવજી સંદેશો કહેજો શ્યામને–એ લય)
૧
આવો આવો વ્હાલાં! સાથે ઉડીએ
ભોગવવાને કૈં કૈ દિવ્ય વિલાસ જો;
ઉંચાં ઉંચાં તેજોમય આકાશ છે :
ઉંચા ઉંચા આત્માના અભિલાષ જો. આવો૦
૨
એકલવાયાં ઉડવું મુજને ના ગમે :
ચાહે આત્મા સ્નેહીના સહચાર જો;
ઉણાં ઉણાં સુખ સહુ મુજને લાગતાં
સ્નેહીજન ના સાથે ભોગવનાર જો. આવો૦
૩
મ્હારાં છો ને રહેશો મ્હારાં સર્વદા :
બાંધ્યા પ્રભુએ સ્નેહભર્યા સંબન્ધ જો;
પ્રભુનિર્મ્યા સંબન્ધો કરવા સાર્થ કાં
સંચરીઓ ના! સાથે વ્યોમ અનન્ત જો? આવો૦
સ્રોત
- પુસ્તક : ચન્દ્રશંકરનાં કાવ્યો (પૃષ્ઠ ક્રમાંક 58)
- સંપાદક : કાન્તિલાલ છગનલાલ પંડ્યા
- પ્રકાશક : એન. એમ. ત્રિપાઠી એન્ડ કંપની
- વર્ષ : 1942