રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

જેટલો મોટેલનો વિસ્તાર છે

અદમ ટંકારવી

જેટલો મોટેલનો વિસ્તાર છે

અદમ ટંકારવી

Roman

જેટલો મોટેલનો વિસ્તાર છે

એટલો આ આપણો સંસાર છે

આ અમેરિકાનો જયજયકાર છે

એની થૂલી પણ હવે કંસાર છે

આપણો તાળો નથી મળતો પટેલ

એક પટલાણી ને સપનાં ચાર છે

આમ તો કંઇ પણ ફકરચંત્યા નથી

તોય માથા પર આ શાનો ભાર છે

અઁઈનો પિઝા કે વતનનો રોટલો

એ બધી ચર્ચા હવે બેકાર છે

ચોંપલી ના થા ને સીધી કોમ કર

આજ કંઈ સન્ડે નથી બુધવાર છે

મારું હાળું એ જ હમજાતું નથી

આપણી આ જીત છે કે હાર છે

ઉપર ઉપરથી બધું ય ચકચકિત

કિન્તુ અંદરથી બધું બિસ્માર છે

આપણે પણ દેશભેગા થઈ જશું

છોડી પૈણી જાય એની વાર છે

અહીંયાં એની બોનને પૈણે, અદમ

ક્યાં કોઈને આપણી દરકાર છે

સ્રોત

પુસ્તક : ૭૮૬ ગઝલો (પૃષ્ઠ ક્રમાંક 178)
સર્જક : અદમ ટંકારવી
પ્રકાશક : લજ્જા પબ્લિકેશન્સ
વર્ષ : 2014