અમારા દેશની માટી

અમારા દેશની માટી

અદબપૂર્વક ઉપાડું છું અમારા દેશની માટી

ને નખી શિરમાં, નાચું છું અમારા દેશની માટી

અજબ ગરવાઈની તાસીર રોમેરોમ વ્યાપે છે

અગર ચપટીક ચાખું છું અમારા દેશની માટી

અમારા હોસલાનો મર્મ, આવો, તમને સમજાવું

હું મનમાદળિયે રાખું છું અમારા દેશની માટી

વતનના ખાબનો મેળો રહે હંમેશા આંખોમાં

જુઓ, હંમેશ આંજું છું અમારા દેશની માટી

જરા સૂંઘી જુઓ શબ્દોને, મળસે મ્હેક માટીની

કે અંતરમાં વસાવું છું મારા દેશની માટી

સમંદર પાર ક્યાંના ક્યાં વિલય પામી જશું ‘દીપક’

સુલભ નહિ થાય, જાણું છું, અમારા દેશની માટી

amara deshni mati