રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
આઘાત લખું છું
aghat lakhun chhun
પથિક પરમાર
પથિક પરમાર
હું તો મારી વાત લખું છું
થોડા પ્રત્યાઘાત લખું છું
કર્મોની બારાત લખું છું
હું કેવળ ઉત્પાત લખું છું
પેલ્લી છેલ્લી ઓળખ એ છે
તેથી મારી જાત લખું છું
ધર્મ ક્યો છે? તેની સામે
અંતરનો આઘાત લખું છું
ક્રિયાકાંડ છે ભામણવાદી
ફતવો રાતોરાત લખું છું
ગામ હોય ત્યાં હોય ઉકરડો
ચોરાની પંચાત લખું છું
હિન્દુ-મુસ્લિમ ભાઈ ભાઈ
શાંતિની સોગાત લખું છે
સ્રોત
- પુસ્તક : બહિષ્કૃત (પૃષ્ઠ ક્રમાંક 9)
- સર્જક : પથિક પરમાર
- પ્રકાશક : ગુજરાત દલિત સાહિત્ય અકાદમી
- વર્ષ : 2003